Gastronomia de Galicia 

Gastronomía do Mar

 

<< volver

Mariscos

 
Os mariscos transformáronse, durante moitas décadas, na única tarxeta de visita de Galicia para o foráneo e o elemento promocional número un. Case todos se dan ben nas súas rías, ben nas súas augas próximas: centola, gamba, camarón, percebe, lagostino, ostra, mexillón, ameixa, berberecho, cadelucha, zamburiña, vieira, ourizo, santiaguiño, navalla... A maneira clásica de os preparar é cocelos en auga de mar (de ser posible) e cunhas ollas de loureiro, algo que segue en vigor hoxe en día. Aquí o segredo non é outro que calcular de maneira exacta cando hai que os introducir na ola e o tempo que teñen que ferver. Os gustos sempre foron os mesmos con algúns deses ariscos: o percebe tomouse sempre moi quente ata queimar os dedos, por exemplo, mentres que a centola foi derivando e sérvese fría pero non en exceso, e, desde logo, sen pasar polo frigorífico.
 
Ao poucos introduciuse un novo xeito de preparalos: á prancha, e, polo tanto, cun fondo de aceite para que no se pegasen e lles dera un toque de sabor, e salpicándoos con sal. Obviamente non todos os mariscos se podían preparar así (percebe, ostra, centola... quedaban fóra), como non todos podían ir ao forno, una preparación que se centrou sobre todo na zamburiña e na vieira.