Gastronomia de Galicia 

Pa de cabrito confeitada ao baleiro con verduras de inverno

Elaboración

Introducir nunha bolsa de baleiro a pa limpa, un dente de allo machucado, unha rama de tomiño, sal e pementa, e cocer en vapor ao baño maría, envasada ao baleiro, durante 12 horas a 72º C. Unha vez feita, sacar da bolsa, desosar coidándose de que non se rompa, envasar de novo dando a forma desexada para aproveitar ao máximo as porcións.

Axudándose dunha tixola antiadherente, saltear un anaco da pa ata que adquira unha bonita cor dourada.

Branquexar as verduras (cabaciña, espárrago e brócoli) torneadas, en auga fervendo e refrescar. Rematar salteándoas nun pouco de aceite virxe.

Branquexar e logo dourar as patacas torneadas.

Reducir os xugos de cocción do cordeiro e incorporar fondo escuro para a salsa.

Prato de autor do Centro Superior de Hostalería de Galicia

ingredientes (10 pers.)

Pa de cabrito confeitada ao baleiro con verduras de inverno

 

  • Pa de cabrito 3500 gr
  • Aceite de oliva virxe 5 dl
  • Allo sen pelar 90 gr
  • Tomiño 50 gr
  • Pataca pequena 300 gr
  • Cabaciña 250 gr
  • Espárrago 325 gr
  • Brócoli 250 gr
  • Fondo escuro 5 dl

<< retorno