Gastronomia de Galicia 

Sopa de turrón con piña asada e sorbete de cítricos

Elaboración

  • Sopa de praliné de abelás

Ferver a nata. Vertela sobre o praliné de abelás e emulsionar coa turmix.
Poñer a punto de textura e reservar.

  • Piña asada á vainilla

Acaramelar o azucre cunhas gotas de auga e a rama de vainilla raspada. Cando ten unha cor bonita, engadir a piña, acaramelar ben e regar cun chorriño de ron negro.
Retirar do lume e reservar.

  • Sorbete de cítricos

Quentar a auga.
Cando está a 50º C, incorporar os azucres mesturados previamente co estabilizante e dar un lixeiro fervor.
Arrefriar ben.
Incorporar os zumes de cítricos.
Triturar.
Deixar madurar a 4º C.
Turbinar e gardar no conxelador.


Montaxe do prato

Dispoñer no fondo do prato a sopa de abelás.
Ao lado colocar a piña asada e acompañar o conxunto cunha querele de sorbete de cítricos.
Pode decorarse cun "confeti" de chocolate e algunhas froitas vermellas.

Prato de autor do Centro Superior de Hostalería de Galicia

ingredientes

Sopa de abelás

  • 150 gr de praliné de abelás
  • 100 gr de nata 35% M.G.

Piña asada á vainilla

  • 100 gr de azucre
  • Unhas gotas de auga
  • 300 gr de piña natural
  • 1 rama de vainilla
  • 25 gr de ron negro

Sorbete de cítricos

  • 400 gr de auga
  • 30 gr de dextrosa
  • 20 gr de azucre invertido
  • 150 gr de azucre
  • 200 gr de zume de mandarina
  • 150 gr de zume de laranxa
  • 50 gr de zume de limón
  • 2 gr de estabilizante

<< retorno