Gastronomia de Galicia 

«Queso Tetilla»

Queixo Tetilla

Denominación local: Queixo tetilla.

Introdución:

Coa súa forma piriforme, que recorda un seo aplanado e a parte superior cónica rematada nunha pequena mamila, o queixo de Tetilla ou de Perilla, orixinalmente modelado a man polos mestres artesáns, está elaborado sempre con leite de vaca procedente das razas Frisona, Pardo Alpina ou Rubia Galega e é unha das grandes referencias gastronómicas galegas.

De cor branco almafí, tendendo cara ao amarelado; a súa pasta é compacta pero branda; a codia está lavada, é fina e elástica e o peso por peza pode oscilar entre os tres cuartos de quilo e o quilo e medio.

Actualmente, coexiste a súa elaboración tradicional, caseira ou en pequenas queixerías artesanais, coa produción industrial tipificada a partir de leite pasteurizado, co resultado dun queixo con características similares aos de pasta prensada.

Descrición:

Queixo madurado de tenro a semicurado, elaborado co leite de vaca, sen costros nin produtos medicamentosos.

Olor: suave, lixeiramente ácido e que no seu conxunto lembra ao leite do que procede.

Sabor: lácteo, manteigoso, lixeiramente ácido e salgado suave.

Codia: fina e elástica, de menos de tres milímetros de grosor; cor amarelo palla natural e sen balor.

Pasta: branda, cremosa e uniforme, con poucos ollos e repartidos regularmente; cor branco-almafí, amarelado.

 

Sumario

Relacionados

Festas

  • Feira do Queixo de Tetilla· Friol (Lugo)· Terceiro domingo de marzo

 

Información seleccionada pola Academia Galega de Gastronomía 

<< retorno