Gastronomia de Galicia 

Pan

Pan de Galicia

Denominación local: Pan, bóla (boro, boroa, brona ou boroa cando é de millo con centeo), pan centeo (cando se elaboraba con fariña centea).

Segundo os panadeiros, o pan galego debe cumprir requisitos tales como estar elaborado con:

  • unha porcentaxe de fariña de trigo autóctono galego que se sitúa entre un 20 e 25 por cento.
  • con fermento e fermento biolóxico comercial.
  • a elaboración debe ser o máis manual posible, polo que, na maioría dos casos, se utiliza só unha máquina, a amasadora de brazos, durante todo o proceso de panificación.

A fermentación do pan galego adoita ser máis longa que a dos pans doutras orixes, prepárase en, polo menos, dúas etapas e a súa cocedura dura aproximadamente uns 60 minutos por quilo de pan, maioritariamente en fornos de pisos nos que o combustible adoita ser a leña.

Descrición.

O trigo é o cereal que se utiliza normalmente no proceso de panificación. Coñécense dez tipos de especies, pero os máis utilizados na panificación son:

O Triticum vulgare, gran tenro, que é sen dúbida o máis importante;

O Triticum durum, gran duro, que se utiliza na produción de pasta.

Outros ingredientes utilizados na panificación de Galicia son o millo, o paínzo e o centeo.

Existen catro tipos de fariñas: a común, fabricada con fariña de gran tenro; a de sémola ou de farelo, producida con fariña de gran duro; a integral, e a especial, o que se produce con outras fariñas, mesmo cando están mesturadas con fariñas de trigo (pan de millo, centeo, etc.).

Segundo o contido en fibras e proteínas, represéntase cun número: 00 (dobre cero), 0, 1, 2 e integral. O 00 diferencia a fariña máis branca, pero tamén máis pobre en fibra e proteínas que, xunto coa 0, se utiliza normalmente na preparación non só industrial senón tamén artesanal. As de tipo 1 e 2 son menos apreciadas e difundidas. A integral posúe o máis alto contido en fibra e un gran valor nutritivo aínda que o seu aspecto sexa o menos agradable de todos.

Sumario

Relacionados

Festas

  • Festa do Pan· Cea (Ourense)· Día de San Benito, o 3 de xullo

 

Información seleccionada pola Academia Galega de Gastronomía 

<< retorno