Gastronomia de Galicia 

Lamprea á cazola

Elaboración

Lávase a fondo a lamprea con auga quente, raspándoa cun coitelo e pasándolle, finalmente, un pano de cociña. Deseguido, extráeselle o fel, que está colocado xusto debaixo da boca. Despois, dáselle un corte lonxitudinal á lamprea no ventre para limpar ben o seu interior, gardando o sangue e máis o fígado. Colocar a lamprea enteira na cazola, dándolle uns cortes pequenos. Noutra cazola ponse aceite e o allo picado coa cebola.

Refógase e engádeselle o vinagre, o viño e as especias. Quentar esta mestura e incorporarlla á lamprea, darlle o punto de sal e encher a cazola de auga quente xusto ata cubrir a peza, que a tape, e poñer a lume suave durante 30 minutos. Destapar a lamprea e engadirlle un machucado elaborado no morteiro cunha rebanda de pan frito, o fígado e o sangue gardado.

Volver tapar e deixar 10 minutos máis ao lume. Retirar e servir acompañada de arroz branco e unhas torradas de pan frito, aínda que a contundencia deste prato permite tomalo sen acompañamento ningún.

ingredientes


  • 1 lamprea
  • 1 rebanda de pan frito
  • 1 dente de allo
  • 1 cebola
  • 1 cravo
  • 1 canela en rama
  • Aceite de oliva
  • 1 vaso cheo de viño tinto
  • ½ vaso de vinagre
  • Sal

<< retorno