Gastronomia de Galicia 

Raia en allada

Elaboración

Poñer a cocer en auga a raia en catro anacos limpos, conservando a parte central da cartilaxe, cun chisco de loureiro e sal. Deben ferver cinco minutos, deixando dous ou tres de repouso dentro do caldo. Para a allada, que é a máis característica das salsas galegas, hai que poñer, nun cazo pequeno, unha boa cantidade de aceite de oliva -arredor de medio litro- e engadirlle os dentes de allo, esmagados cun golpe da palma da man ou pelados e cortados en láminas finas. Deixar que o aceite colla temperatura no lume e retiralo cando os allos comecen a dourarse. Logo, deixamos que amorne o aceite co allo e engadímoslle o pemento moído doce cun chisco do picante, ademais dun pequeno chorro de vinagre. Cómpre ter coidado sempre de non queimar o pemento moído, xa que amargaría a salsa. Incorporar un pouco do caldo do peixe e reservar. Servimos a raia nunha fonte ou prato e botámoslle a allada por riba.

ingredientes

  • 4 anacos de raia duns 300 gr cada un
  • ½ l de aceite
  • Vinagre
  • 4 dentes de allo
  • Pemento moído doce e picante
  • 2 patacas
  • Loureiro
  • Sal

<< retorno