Pratos da cociña galega
Sobremesas
- Mouse de queixo e mel á augardente
- Pan de Cea (I.X.P.) doce con mousse de queixo Arzúa - Ulloa (D.O.P.) con salsa de mel de Galicia (I.X.P.)
- Pirámide de Trufa
- Sobremesas de Entroido - flores
- Sobremesas de Entroido - orellas
- Sobremesa Especial: "Outono" con Cogomelos e Castañas
Torta de Mondoñedo
Elaboración
Ligar a fariña con auga morna e o ovo, amasar e deixar repousar. Engadir máis tarde a manteiga, traballar a masa e gramala cun rodete. Cubrir con parte desta masa o fondo dunha tarteira engraxada.
Elaborar á parte un caldo de azucre con medio quilo de azucre e medio litro de auga, incorporando ao final a canela e a rela de limón.
Torrar a améndoa e raiala para incorporar a metade ao caldo de azucre, dándolle á mestura dez minutos de lume. Coar, separando a améndoa do caldo de azucre, para emborrachar e unir o biscoito co caldo de azucre.
A primeira capa da torta faise na tarteira, incorporando ao follado unha capa de biscoito; a seguinte capa é de doce de cabaza, poñendo agora a de améndoa no caldo de azucre. Seguir a facer as capas que poidamos, acabando cunha de améndoa picadiña. Decorar coa masa sobrante e meter ao forno a torta tapada con papel durante unha hora e media aproximadamente.
Ao sacala do forno, pódese decorar con froitas confeitadas, bañándoa, se se quere, cun pouco de caldo de azucre.
ingredientes
- 700 g de fariña
- 500 g de manteiga
- 700 g de améndoa
- 500 g de azucre
- 350 g de doce de cabaza
- Canela
- Un ovo
- Rela de limón
