Gastronomia de Galicia 

Tosta de pan de Cea, tenreira Galega, queixo do Cebreiro e pementos de Herbón

Elaboración:

Derretemos a manteiga e engadimos a fariña. Deixamos que se disolva e agregamos o leite quente. Removemos ben ata que espese e incorporamos o queixo en cuartos. Removemos ata que se forme unha salsa ben ligada, rectificamos de sal e pementa branca e rematamos aromatizando coa noz moscada. Reservamos.

Fritimos os pementos en abundante aceite ben quente, retiramos e quitamos o exceso de graxa con axuda de papel absorbente. Reservamos.

Tostamos o pan de Cea nunha prancha con aceite de oliva virxe extra por ambas as dúas partes. Marcamos os lingotes de carne polos seus catro lados sen deixar que se faga demasiado.

Montaxe do prato: Sobre cada rebanda de pan tostado poñemos os lingotes de carne laminados, salpimentamos lixeiramente e dispoñemos un fío de salsa por enriba. Rematamos colocando os pementos enriba.

ingredientes

Tosta de pan de Cea, tenreira Galega, queixo do Cebreiro e pementos de Herbón

 

  • 4 rebandas de I.X.P. Pan de Cea.
  • Aceite de Oliva Virxe extra.
  • 400 gr. de croca de I.X.P. Tenreira Galega cortada en lingotes.
  • Sal en escamas.
  • Pementa negra acabada de moer.
  • 25 gr. de fariña.
  • 40 gr. de manteiga.
  • 3 dl. de leite.
  • 200 gr. de queixo D.O.P. Cebreiro.
  • Noz moscada.
  • Pementa branca.
  • Sal.
  • Pementos D.O.P. Herbón

relacionados

<< retorno