Gastronomia de Galicia 

Lamprea á Bordelesa

Elaboración

Tras limpar esmerada e coidadosamente a lamprea, marcar os distintos touros (sen chegar a separalos totalmente), extraer as vísceras e o sangue, a cal reservamos para máis tarde, preparamos o adobo, mesturando todos os ingredientes nun morteiro. Ollo! Para evitar que o sangue se coagule, botámoslle un chorriño de viño tinto.

Cando teñamos listo o adobo, colocamos a lamprea enteira nun recipiente e adobámola. Recomendamos deixar repousando a lamprea co seu adobo polo menos 24 horas.

Ao día seguinte preparamos o guiso. Pochamos a cebola, ben picada, e o allo. Cando estean dourados, incorpórase o touciño, e cando vexades que o touciño se transparenta, será o momento de incorporar o pemento. Sen deixar de revolver, incorporamos o perexil e o viño branco, e deixamos que ferva un momentiño.

Mentres, sacamos a lamprea do xugo, secámola e incorporámoslla ao rustrido. Sede cautelosos! A lamprea aínda debe conservarse enteira, a pesar dos cortes dos toros. Por iso imos ter que manexala con moito coidado, sobre todo cando teñamos que darlle a volta para que se faga polo outro lado.

Cando teñamos o rustrido listo, e a lamprea tamén sofrixida por ambos os dous lados, é momento de regala coa mariñada, e subir o lume ata que ferva. Cando empece a ferver, baixamos o lume e botamos sal e pementa. Despois, tapamos a pota e deixámola cocendo a lume medio 15 minutos por un lado e outros 15 minutos polo outro. A partir desa media hora, que cada un dea por finalizada a cocción segundo gustos e preferencias do consumidor!

Unha vez cocida, pásase desa pota a outra, tórase e regámola con medio vaso do líquido da cocción, e mantémola quente a lume moi lento. Mentres, reducimos o líquido da cocción a 2/3 do inicial e pasámolo polo coador chinés. Volvémolo ferver e regamos a lamprea con el.

Para acompañar, tal e como di a tradición, arroz branco e picatostes! Tédelo facilísimo, a partir da 3ª semana de xaneiro, xa podedes comprar lamprea e preparar un prato digno de deuses romanos!
 

ingredientes

Lamprea á Bordelesa

 

Para o adobo:

  • 300 cl de viño tinto
  • O sangue da propia lamprea
  • Medio vaso de viño branco
  • 2 dentes de allo
  • Perexil
  • Sal groso
  • Pementa
  • Loureiro

Para o guiso:

  • Unha cebola mediana picada
  • 2 dentes de allo
  • Perexil
  • Medio vaso de viño branco
  • Media rebanda de touciño
  • 1 cunca pequena de aceite de oliva virxe extra
  • Pementa
  • Sal

 

relacionados

<< retorno