Gastronomia de Galicia 

«PEPITO» de vaca do país con rúcula e queixo


O pan:

4 rebandas de pan de centeo, aceite de oliva.
Cubrimos o pan co aceite e deixamos macerando polo menos dúas horas.


O queixo:

200 g de queixo de Cebreiro, 50 g de nata, sal e pementa.
Temperamos a nata, incorporamos o queixo en anacos e trituramos xuntos. Damos punto de sal e pementa.


A carne:

½ peza de lombo de vaca.
Pedímoslle ó carniceiro medio lombo de vaca que teña polo menos cinco semanas de curación, tempo indispensable para obter unha boa carne moi gorentosa. Dóurase o lombo enteiro por fóra e terminamos cun golpe de forno forte. Deixamos repousar e cortamos talladas coma se fose un roast beef.


Acabado e presentación:

Marcamos o pan na prancha. A continuación, dispoñemos a rúcula, damos punto de sal e aceite e poñemos sobre esta a carne. Batemos o queixo e napamos parte da mesma. Damos punto de sal; se é afumada mellor.

 

Prato de autor, xentileza do Restaurante Solla 

ingredientes (para 4 pers.)

«PEPITO» de vaca do país con rúcula e queixo

 

  • 4 rebandas de pan de centeo
  • aceite de oliva 
  • 200 g de queixo de Cebreiro
  • 50 g de nata
  • sal e pementa
  • ½ peza de lombo de vaca

relacionados

<< retorno