Gastronomia de Galicia 

Torta de Mazá

Masa quebrada doce.

 
Mesturar nun barreño a manteiga a punto de pomada co azucre. Logo incorporar o ovo, o sal e a vainilla e mesturar ben cunha espátula de goma.
Engadir a fariña en varias veces mesturando pero sen traballar en exceso a masa, xa que pola contra quedará correúda e demasiado elástica.
Envolver a masa con filme de plástico e reservar en frío durante 24 horas como mínimo, antes de utilizala. 

Crema Pasteleira.

Ferver o leite en compañía da canela.

A parte, mesturar as xemas coas claras, o azucre, a maicena, a vainilla en po e o aroma de limón.
Cando o leite ferveu, pasala por un chinés sobre a mestura anterior, volver pasar toda a mestura ao recipiente onde ferveu o leite, levar a punto de ebulición e manter ese punto durante 3 minutos, sen deixar de remover para que non se pegue.
Arrefriar o antes posible.
Reservar nun recipiente limpo, tapada con papel filme, para que non se reseque a superficie.
 
Xeado de amoras.

Ferver o leite en compañía da canela.
A parte, mesturar as xemas co azucre.
Cando o leite ferveu, pasala por un chinés sobre a mestura anterior, volver pasar toda a mestura ao recipiente onde ferveu o leite, levar a punto de ebulición e manter ese punto durante 3 minutos, sen deixar de remover para que non se pegue.
Mesturar coa marmelada e arrefriar rapidamente, meter na mantecadora e reservar. 
 
Outros xéneros.

Pelar as mazás en cuarteiróns finos e reservar en auga con zume de limón para que non oxiden.
Facer este proceso no último momento. 
 
Montaxe.

Estirar a masa quebrada cun rolo e cubrir con ela un molde con base desmontable.
Cocer a masa en branco.
Encher coa crema pasteleira.
Cubrir coa mazá de forma ordenada e decorosa.
Espolvorear con azucre branca.
Introducir de novo ao forno a 230º C, con maior forza polo teito que polo chan.
Cando a mazá se doure e teña unha cor bonita, retirar do forno e arrefriar. 
 
Decoración.

Abrillantar con xelatina neutra.
Decorar con algunha guinda vermella en xarope. 

ingredientes

MASA QUEBRADA DOCE

  • 200 gr de fariña frouxa
  • 80 gr de azucre glas
  • 80 gr de manteiga
  • 1 unide de ovo fresco
  • un chisco de vainilla moída
  • un chisco de sal fino

CREMA PASTELEIRA

  • 1000 gr de leite
  • 175 gr de azucre
  • 120 gr de xema de ovo
  • 70 gr de clara de ovo
  • 70 gr de maicena
  • 1 rama de canela
  • un chisco de vainilla en po
  • unhas gotas de aroma de limón

XEADO DE AMORAS


  • 1000 gr de leite
  • 75 gr de azucre
  • 120 gr de xema de ovo
  • 500 gr marmelada de amoras

OUTROS XÉNEROS

  • 3 unide de mazá reineta
  • c/s de azucre branca
  • 100 gr de brillo neutro

<< retorno